Достони Даъват

«Даъват», филме дар жанри комедия-хонаводагӣ ба нависандагии Чисто Ясрабӣ ва Иброҳим Ҳотамикё ва коргардонии Иброҳим Ҳотамикё ва маҳсули соли 1378 синамои Эрон аст. Бозигарони маъруфе чун Муҳаммадризо Фурутан, Муҳаммадризо Шарифиниё, Сурайё Қосимӣ, Катоюн Риёҳӣ, Фарҳод Қоимиён, Маҳноз Афшор, Гуҳар Хайрандеш, Марила Зараӣ, Ризо Бобак ва Сиёмак Ансорӣ дар ин филм нақш офаридаанд. Достони филм пиромуни масъалаи сиқти ҷанин аст ва паёми филм ин аст, ки ҷанине, ки ба ин дунё даъват шудааст набояд сиқт шавад, ҳатто агар модари оянда як зани шастсола, як зани бе шавҳар, як зани бозигар, ки корашро беш аз фарзанд дӯст медорад, як зани овора дар шаҳр бо як шавҳари чоҳбозкун ё як зани бурида аз шавҳар бошад. Ҳар як аз ин хонаводаҳо бо буҳрони мушобеҳ рӯ ба рӯ мешаванд ва ҳар кадоми онҳо ба нигоҳу реаксияи вижаи худ вокунишҳои мухталиф нишон медиҳанд.